ISINDULULO-NJONGO NENQHUBO YOMZABALAZO
Umbutho wopolitiko wabasebenzi obizwa (ngesiphecelezi) Workers & Socialist Party wasekwa, ngonyaka 2012, phezu kwedabi logwayimbo labasebenzi bamashsishsini emigodi. Ukugetyengwa kwabasebenzi eMarikana kubonakailse ngokucacileyo umahluko omkhulu wobutshaba phakathi kombutho wongxowankulu i-ANC namahlakani ayo akunxantathu (Cosatu ne SACP), nomndilili omkhulu woluntu olungabasebenzi ngelinye icala, unxantathu ozenzisa ngokungathi umelele bona.
Sidinga umbutho wopolitiko ozakuthi umanyanise imizabalazo yethu, ulwela imfuno zethu singabasebenzi. Sidinga umbutho wopolitiko osekelwe phezu kwemizabalazo yethu, ongcambu zise ndaweni zemisebenzi nalapho udidi labasebenzi luhlala khona, umbutho oxhaswa zizigidigidi zamalungu. Sikholelwa ukuba u-WASP ungumbutho onjalo. U-WASP uzakuqamelela kwisimo sokukhalipha sabasebenzi edabini labo, njengoko kubonakele kumadabi kwindawo zokusebenza , kumadabi abahlali beqhanqalazela ukungabikho kwenkonzo nakumadabi abafundi besilwa nenkohlakalo yorhulumente we-ANC ongabanikiyo imfundo ngokungavumi ukuhlawulela imfundo yabo. I-WASP izakuba ngumbutho womzabalazo (wedabi lenkululeko yabasebenzi), wokwakha umanyano nowokulwela ukuseka umbuso wabasebenzi (socialism).
Ingongma ezitlanu zesindululo-njongo ka WASP
- Khuphani (ngxothani) oongxowankulu. Imigodi, amapulazi, iibanki namashishini amakhulu abeselulawulweni loluntu. Amashsishini aphangwe kongxowankulu abephantsi kolawulo lesininzi sabasebenzi nabahlali. Imveliso ecetywe luluntu ibe yeyokuhlangabezana nezidingo zoluntu, hayi inzuzo (profit) ngokuncukutha abasebenzi.
- Kupheliswe ukungabikho kwengqesho (okanye kwemisebenzi)- Kwenziwe imisebenzi ezakuba luncedo ebantwini abafuna umsebenzi. Kulwele, kubangwe imivuzo yokuphila eyi-R12 500 ngenyanaga.
- Kuyekwe ukucinywa umbane, ukuvalwa kwamanzi nokugxothwa kwabantu ezindlini – kutyalwe ngokubanzi imali yokwakha izindlu, kufakwe umbane, ukuzisa amanzi eluntwini, ugutyulo lindle, kwakhiwe imigaqo, iinqwelo zomlilo zokuthutha uluntu, neenkonzo zoluntu.
- Infundo emahala kubazali, ehlawulelwa ngurhulumente woluntu, phantsi kobukokheli babasebenzi, ukusuka kwizinga elipahantsi labantwana abaqala ukufunda kude kuye kweliphezulu – ejunivesithi.
- Ezemplilo ezimahala zifikelelwa ngumntu wonke, zihlawulelwa ngurhulumente olawulwa luluntu phantsi kobukokheli babasebenzi.
Amabango amqoka ka WASP
- Sibukhaqba gqibi ubuqhetseba obenziwa bosopolitika bobungxowankulu nobenziwa yimibutho yabo.
- Bonke abazigqatsileyo egameni lika WASP, benjonge ukukhethelwa kwizikhundla zoluntu – ukubalikhansela, ukuba ngumpalamente wephondo nowesizwe – bakhwethwa phantsi kwemiqathango yokuba baya kukhutshwa ngokukhawulezileyo xa bengakwenzi ukwenza oko bebekhethelwe kona.
- Abameleli babasebenzi baza kufumana (okanye bahlawulwe) imivuzo yabasebenzi. Bonke osomaqhuzu abakhethwe phantsi kwesindululo-njongo sika WASP baza kurhola umvuzo okwizinga lomsebenzi onesakhono. Enye inxenye yomvuzo uzakunikela ngayo ku WASP.
Inqhubo ka WASP yomzabalazo
- Siququzelela iphulo logwayimbo losuku olunye, oluchasene nokuvalwa kwemigodi.
- Siququzelela umbhodamo omkhulu kuzo zonke iindawo zabahlali ngasemigodini, umbhodamo ozakuthi usingise kugwayimbo olukhulu jikelele.
- Siya kuthi sizabalaza selule isandla somanyano kubasebenzi bonke nakubahlali abasedabini nokuba kunini xa isidingo sivela.
- Sijonge ukuthi kufika inyanga ka- August 2013 sibe sele sifumene inxaso-magama abantu abasisigidi ukukwakha u-WASP.
- Siza kuthi senze iphulo lokunyanzelisa ukukhutshwa kwamakhansela angalweli imfuno zabantu abathi babamele.
Khupha kwi -intanethi iSindulilo Njongo neNqhubo Yomzabalazo we WASP, usinike abanye emsebenzini, kwi nyunyoni, kumaziko emfundo nasekuhlaleni.”